HA'U LA HUSU ATU MORIS

Mamá sah sala mak ha'u halo.
Tansá ó matan delek ba ha'u-nia matan-been.
Fulan sia, ha'u iha ó knotak
Ó-nia matan-been, ha'u-nia halerik.
Ó-nia hamnasa ha'u-nia ksolok.

Tansá ó la  rona ha'u-nia lian
Raan ne'ebé sulin iha ha'u isin mai husi ó
Murak mundu nia ha'u haree liuhusi ó.

Ha'u la husu atu moris.
Se ha'u lori terus ba ó, tansá ó la hakotu iis ne'e.

Iha fulan dahuluk ó hetan ha'u.
Ha'u laiha lian hodi dehan maibé ha'u iha fuan hodi sente.

Katak mai sé mak hakanek ó
Katak mai sé mak haterus ó
Ha'u sei sai anjo hodi tulun ó
Tansá ó haree ha'u hanesan inimigu.

Dili, loron-23 fulan-Marsu tinan-2018

 NB: ideia ba poezia ne'e mai husi aktus violénsia ne'ebé halo hosi inan ba oan foin lailais ne'e iha Munisipiu Baucau.