PIRILAMPU

Fotográfia ne'e dada husi Google

Bainhira tuur iha uma nia tatis haree ba fitun, lia bisbisu ida hakbesik mai. "Saida mak ó hanoin, lalika soe energia ba buat laek ida ne'ebé laiha valór."

Koko hakat ho ó-nia ain rasik, ne'e mak moris. Moris sei furak bainhira ó hasoru ema ho karakter oioin. Iha ne'ebá mak ó sei aprende katak moris la'os para de'it iha ne'e. 

Iha dalan barak bainhira hakarak bá Roma, liafuan klásiku. Koko taka matan hodi imajina loron aban. 

Ema ida-idak ho nia dalan moris rasik ne'ebé la pár ho ema seluk. Lalika obriga an atu tuir dalan ne'ebé la'ós ó-nia. Ho fuan boot hamnasa hasoru situasaun hotu. 

Buat ne'ebé ha'u aprende husi moris. Dala wain hakat no monu ne'e buat baibain ida, husi ne'e ha'u bele aprende no sai bukai atu hakat di'ak liubá oin. 

Lalika rona susuk nia hananu, la presiza sai hanesan lalar. Aprende husi ema seluk no sai bukai hodi halo refleksaun bainhira la kontra konxiénsia no prinsípiu. 

Di'ak liu sai hanesan pirilampu ne'ebé bele lori netik esperansa katak naroman sei iha biar naroman ne'e ki'ik. 

Moris mak ne'e...
aprende husi situasaun halo ita maduru hasoru realidade. Di'ak liu hanesan lalenok duké hanesan bee merak no fihir an iha laran. 
 
     Ai-Mutin, 14 fulan-Agostu tinan-2017