Maho-been hahú mihis iha Ai-tahan Belar. Anin ho ritmu hakmatek hasé isin iha foho tutun Marabia.
Dili nia furak hanesan fitun iha lalehan bainhira kalan to'o.
Ai-tahan iha laletek Balide no Lahane haklalak bainhira udun monu rai, hafresku matan iha meiudia boot.
Matak ne'ebé bele sura ho loron, bailoron to'o buat hotu laek ona. Matak ne'ebé hafresku matan mout ho udan been.
Bailoron tolan furak hotu, liman sanak sunu no tesi ai arbiru, balada lakon nia knuuk no hahú fuik.
Bainhira udan to'o bee lori rai-maran iha foho-lolon butuk iha rai-tetuk, ema balu halerik lakon hela fatin, ema balu halerik menus bee-moos, balu halerik rai hahú manas.
Sé loos mak sala iha ne'e, ha'u, ó, nia, sira, imi ou ami. Ita sei nafatin hatudu liman ba malu, sé loos mak sala no sé loos mak sei hadi'a.
Dili, loron-24 fulan-Janeiru tinan-2018.
Tidak ada komentar:
Posting Komentar