Iha kalan fahe malu tinan tuan ba tinan foun, istória foun mós hahú husi ne’e. Dala wain ita mós tenke prepara an hodi simu tinan foun ho espíritu no mehi foun. Lalika prekupa demais ba saida akontese ona iha tinan tuan.
Tinan tuan hanesan bukai hodi hakat di’ak liu iha futuru, aprende husi pasadu moris ne’e dala ida. Aprende no nafatin agradese ba minutu sira-ne’ebé liu ona ho iis ne’ebé se iha. Nafatin fiar ho esforsu hotu, karik iha tinan tuan hasoru dezafiu oioin maibé esperansa nafatin iha.
Minutu-minutu ikus kalan fahe malu tinan tuan ba tinan foun, iha minutu sira ne’e marka istória foun no husik hela fitar. Biar nune’e nafatin agradese ba minutu hirak ne'e.
Obrigada tinan 2017 ba midar no moruk hotu ne’ebé konsege liu ona. sé ema husu tinan ne’ebé mak todan liu ha’u so bele dehan de’it katak “ema moris sempre hasoru dezafiu filafali ba ema ida-idak nia maneira oinsá bele hakur dezafiu ne’e, tinan sira-ne’ebé liu ona hanesan memória ida ne’ebé mak sempre rai metin iha fuan no saida mak akontese ona ne’e hanesan ai-funan moris nian, lalika prekupa demais ho saida mak liu ona, husik nia hanesan memória no nafatin hanesan memória.”
Haree loron aban hanesan esperansa, fiar de’it katak mehi hotu ne’ebé la konsege duni iha tinan liubá bele sai realidade iha loron aban. Nafatin agradese ba iis hotu iha kada minutu ne’ebé Mak Soe horik ona.
Dezafiu no problema hotu ne’ebé ita hasoru hanesan bukai hodi hakat metin liután no maduru hasoru realidade moris aban-bainrua nian. Maduru iha termus hanoin, maduru iha hahalok no foti desizaun ba moris tuir ida-idak nia vizaun.
Nafatin hakat ho fiar an biar hakat ne’e dalaruma sei hasoru laloran moris ne’ebé boot no dalaruma halo hakat ne’e nakdedar iha fatin, loke an nafatin ba ema seluk atu rona kritika no tulun husi ema seluk ida-ne’e mós sei ajuda haforsa ita atu hakat metin liután.
Obrigada tinan 2017 biar ó husik hela fitar no sai sasin ba istória moris, obrigada tan ó hatudu mai ha’u moruk no midar ne’ebé halo ha’u nakdedar iha fatin maibé ha’u nafatin agradese ba Nai tan sei haraik nafatin oportunidade atubele hadi’a an no aprende atu agradese ba oportunidade no minutu sira-ne’ebé liu ona.
Obrigada tinan 2017, biar ho tempu badak ó konsege halo ha’u to’o duni iha mehi ne’ebé ha'u iha ona bainhira sei ki’ik mezmu mehi ne’ebé to’o de’it iha dala klaran no tempu ne’ebé badak maibé ha’u nafatin agradese tan mehi ne’e bele realiza no konsege duni to’o iha ne’ebá biar ho tempu badak.
Obrigada tinan 2017, ó halo ha’u koñese ema foun iha ha’u-nia moris no mout iha ambiente ne’ebé foun. Ambiente ida ne’ebé dook husik ha’u-nia prespetiva no dook husi ha’u-nia an rasik. Nafatin agradese tan liuhusi oportunidade sira hanesan ne’e ha’u bele hatuur ha’u-nia an tuir ha’u-nia vizaun moris katak ha’u mak ne’e no la’ós helik iha ema seluk nia lalatak.
Obrigada tinan 2017, hau espera iha tinan 2018 bele lori duni esperansa ba moris ida ne’ebé di’ak liu iha futuru. La haluhan ha’u-nia obrigado wain ba malu sira hotu ne’ebé durante ne’e akompaña ona Pájina Ha’u-nia Ai-Knanoik. Ksolok tinan foun 2018 ba imi hotu.
Minutu ikus tinan-2017
Esteviana Amaral DF
Tinan tuan hanesan bukai hodi hakat di’ak liu iha futuru, aprende husi pasadu moris ne’e dala ida. Aprende no nafatin agradese ba minutu sira-ne’ebé liu ona ho iis ne’ebé se iha. Nafatin fiar ho esforsu hotu, karik iha tinan tuan hasoru dezafiu oioin maibé esperansa nafatin iha.
Minutu-minutu ikus kalan fahe malu tinan tuan ba tinan foun, iha minutu sira ne’e marka istória foun no husik hela fitar. Biar nune’e nafatin agradese ba minutu hirak ne'e.
Obrigada tinan 2017 ba midar no moruk hotu ne’ebé konsege liu ona. sé ema husu tinan ne’ebé mak todan liu ha’u so bele dehan de’it katak “ema moris sempre hasoru dezafiu filafali ba ema ida-idak nia maneira oinsá bele hakur dezafiu ne’e, tinan sira-ne’ebé liu ona hanesan memória ida ne’ebé mak sempre rai metin iha fuan no saida mak akontese ona ne’e hanesan ai-funan moris nian, lalika prekupa demais ho saida mak liu ona, husik nia hanesan memória no nafatin hanesan memória.”
Haree loron aban hanesan esperansa, fiar de’it katak mehi hotu ne’ebé la konsege duni iha tinan liubá bele sai realidade iha loron aban. Nafatin agradese ba iis hotu iha kada minutu ne’ebé Mak Soe horik ona.
Dezafiu no problema hotu ne’ebé ita hasoru hanesan bukai hodi hakat metin liután no maduru hasoru realidade moris aban-bainrua nian. Maduru iha termus hanoin, maduru iha hahalok no foti desizaun ba moris tuir ida-idak nia vizaun.
Nafatin hakat ho fiar an biar hakat ne’e dalaruma sei hasoru laloran moris ne’ebé boot no dalaruma halo hakat ne’e nakdedar iha fatin, loke an nafatin ba ema seluk atu rona kritika no tulun husi ema seluk ida-ne’e mós sei ajuda haforsa ita atu hakat metin liután.
Obrigada tinan 2017 biar ó husik hela fitar no sai sasin ba istória moris, obrigada tan ó hatudu mai ha’u moruk no midar ne’ebé halo ha’u nakdedar iha fatin maibé ha’u nafatin agradese ba Nai tan sei haraik nafatin oportunidade atubele hadi’a an no aprende atu agradese ba oportunidade no minutu sira-ne’ebé liu ona.
Obrigada tinan 2017, biar ho tempu badak ó konsege halo ha’u to’o duni iha mehi ne’ebé ha'u iha ona bainhira sei ki’ik mezmu mehi ne’ebé to’o de’it iha dala klaran no tempu ne’ebé badak maibé ha’u nafatin agradese tan mehi ne’e bele realiza no konsege duni to’o iha ne’ebá biar ho tempu badak.
Obrigada tinan 2017, ó halo ha’u koñese ema foun iha ha’u-nia moris no mout iha ambiente ne’ebé foun. Ambiente ida ne’ebé dook husik ha’u-nia prespetiva no dook husi ha’u-nia an rasik. Nafatin agradese tan liuhusi oportunidade sira hanesan ne’e ha’u bele hatuur ha’u-nia an tuir ha’u-nia vizaun moris katak ha’u mak ne’e no la’ós helik iha ema seluk nia lalatak.
Obrigada tinan 2017, hau espera iha tinan 2018 bele lori duni esperansa ba moris ida ne’ebé di’ak liu iha futuru. La haluhan ha’u-nia obrigado wain ba malu sira hotu ne’ebé durante ne’e akompaña ona Pájina Ha’u-nia Ai-Knanoik. Ksolok tinan foun 2018 ba imi hotu.
Minutu ikus tinan-2017
Esteviana Amaral DF
Tidak ada komentar:
Posting Komentar